Ezki hostozabala

Tilia platyphyllos Scop. subsp. platyphyllos

Hostoak eta loreak

Fruituak

Deskribapena

Ezki hostozabala hostoerorkorra da. Bihotz-formako hosto (5-12 cm) sinpleak ditu, zerradunak eta bi aldeetatik iledunak.

Landare hermafrodita da. Haren loreak mintzezko egitura batetik zintzilik agertzen dira, eta horixkak dira. Bost petalo oso iletsu izaten dituzte. Mintzezko hegal bat izaten dute, hazia barreiatzen laguntzeko. Haren fruitua globo-itxurako kapsula (7-10 mm) bat da, gaztetan berdea eta heltzean marroia.

Gaztetan azal leuna izaten du, eta, heltzean, zartatzen hasten da. Azal grisa du.