Ezpela

Babes-maila EAE-n

Interes berezikoa

Deskribapena

Ezpela hostoiraunkorra da. Hosto (1,3-2,5 x 0,7-1,2 cm) sinpleak, obatuak, ilegabeak, larrukarak eta ertz osokoak ditu. Ertzak normalean azpialdean bilduta egon ohi dira.

Landare monoikoa da. Adarkadura bakoitzean lore eme (2,5-3,5 x 2-2,5 mm) eta arrak (2 x 2-2,5 mm) egoten dira, gainaldean emeak eta azpialdean arrak. Zuri-horixkak izaten dira. Haren fruitua (8-11 x 6-8 mm) hiru puntako globo-itxurako kapsula bat izaten da.

Azala zartatua du, kolore arre-argikoa.

Ekologia

Eremu mediterraneoko inguru harritsuetan agertzen da, orokorrean lur kaltzikoletan. Gipuzkoan Kantauriar bailaretako populazioak, aldiz, lur azidoetan azaltzen dira (hareharri eta granitoa).

Banaketa

Loraldia

Tamaina

Altitudea

Oharrak

Toxikoa da; alkaloideak ditu, eta intoxikazioa sor dezake, baita heriotza eragin ere.