Gaztainondoa

Deskribapena

Gaztainondoa hostoerorkorra da. Haren hostoak (10-25 x 5-8 cm) sinpleak eta handiak dira, eta luzangak, txalupa baten erakoak. Ertz zerradunak dituzte, eta ilegabeak dira.

Landare monoikoa da. Lore arrak (13-30 cm x 5-7 mm) gerba fin eta luzeetan egoten dira, eta emea oinarrian harilkatua da. Arrak zuriak eta emeak berdeak dira. Haren fruitua gaztaina (2,5-4 cm) da, eta morkotsean (10 cm Ø) dago babestuta.

Gaztetan, azal leuna izaten du, eta, heltzean, nabarmen zartatzen da. Hauskara edo kolore arrekoa izaten da.

Ekologia

Klima epel eta hezeak ditu gustuko, udako lehorte handirik gabeko eta izozte berantiarrik gabeko lekuak. Lurzoru txiroetan ateratzen da.

Banaketa

Mediterraneoa

Loraldia

Maiatza-uztaila

Tamaina

15-30 m

Altitudea

0-1.000 m

Oharrak

Gaztainondoa Gipuzkoan duela hiru bat mila urtetik badago ere, erromatarren landaketei esker da hain ugaria.

Erlazionatutako habitatak