Haltza

Deskribapena

Haltza hostoerorkorra da. Hostoak (4-10 cm) sinpleak eta biribilkarak dira, eta punta kamutsa edo muxarratua dute. Ertzak horzdunak dira, eta ileduna du azpialdea.

Landare monoikoa da. Lore arrak (30-75 mm; 2-6 mm Ø) gerbatan antolatuta agertzen dira, beti hirunaka. Emeak (10-25 mm; 7-15 mm Ø), berriz, biluziak dira, hots, petalorik gabeko loreak dira. Arrak arre-gorriztak dira eta emeak berdeak. Fruituak (10-25 mm; 7-12 mm Ø) egurkarak dira, pinaburu baten antzekoak.

Gaztetan azal leuna izaten dute, eta xaflatan banatzen da helduz doan heinean. Grisa edo arre-grisa izaten da gaztetan eta arre-beltza heldutan.

Ekologia

Erreka bazterretan agertzen da. Eremu urtsuen inguruan gailentzen da.

Banaketa

Eurosiberiarra

Loraldia

Otsaila-apirila

Tamaina

10-25 m

Altitudea

0-1.000 m

Erlazionatutako habitatak