Intsinis pinua

Deskribapena

Intsinis pinua hostoiraunkorra da. Orratz-itxurako (7-15 x 0,12-0,17 cm) hostoak ditu, hiruko taldetan hazten direnak.

Landare monoikoa da. Estrobilo arrak adar-puntetan agertzen dira, tente. Emeak (7-14 x 5-8 cm), berriz, 3-5eko taldeetan agertzen dira. Arrak horiak dira, eta emeak, purpurak. Estrobilo eme heldua pinaburua da, eta barruan hegaldun haziak (5-8 mm) ditu.

Azala arraildua du, arre-beltz kolorekoa.

Jatorria

Ipar Amerikako mendebaldea

Loraldia

Otsaila-apirila

Tamaina

30 m-raino

Kudeaketa

Intsinis pinuaren landaketak 30-35 urteren buruan botatzen dira. Egurra gehienbat paper-orea egiteko erabiltzen da, baina baita beste hainbat erabileratarako ere, hala nola zerrategietarako, eraikuntzarako eta bilgarrietarako.