Lawson altzifrea

Lawson altzifrea hostoiraunkorra da. Ezkata erako hostoak (2-3 mm) ditu.

Landare monoikoa da. Estrobilo arrak (2-4 mm) hostoen puntetan ageri dira, eta marroiak izaten dira. Emeak, berriz, globo ezkatakarak dira, urdinak. Estrobilo eme helduak (8-12 mm) pilota-itxurakoak dira, egurkarak.

Azala luzetara ildaskatua izaten da, eta, gaztetan marroi-grisaxka bada ere, heltzean gorrizta bilakatzen da.

Jatorria

Ipar Amerikako mendebaldea

Loraldia

Martxoa-maiatza

Tamaina

40 m-raino

Kudeaketa

Altzifre mota honen landaketak 60-70 bat urtera botatzen dira. Egurra paper-orea egiteko edo zerrategietara eramateko erabiltzen da. Batzuetan, apaingarri gisa ere erabiltzen da, edo bestelako landaketa batzuen muga adierazteko.