Lizarra

Lizarra

Fraxinus excelsior L.subsp. excelsior

Hostoak eta fruituak

Loreak

Deskribapena

Lizarra hostoerorkorra da. Hosto konposatuak ditu, 7-13 hostoxkaz (21-311 mm) osatuak. Hostoak binaka parekatuta egoten dira, eta adarraren amaieran hostoxka bakarra egoten da. Hostoxkak lantzeolatuak dira, eta puntan amaitzen dira. Haien ertzak zerradunak dira, eta azpialdeko nerbioen inguruan ileak izaten dituzte. Adarren puntetan, kimuak babesteko estalki beltzak ditu.

Landare monoiko edota hermafrodita da. Loreak aurreko urteko adarretan ateratzen zaizkio, sortaka. Petalorik gabeko loreak dira. Fruitu lehorrak (27,9-48,4 x 5,7-10,2 mm) ditu, luzangak, eta mintzezko hegala izaten dute.

Azala gaztetan leuna izaten da, eta, zahartzean, zartatu egiten da. Azal grisa du.

Ekologia

Leku fresko eta hezeetan agertzen da, lurzoru aberatsetan.

Banaketa

Eurosiberiarra

Loraldia

Martxoa-maiatza

Tamaina

10-40 m

Altitudea

0-1.350 m

Oharrak

Ez nahasi beraren ahaide lizar hostotxikiarekin (Fraxinus angustifolia), hura mediterraneoagoa baita. Lizarrak begi beltzak ditu; lizar hostotxikiak, marroiak.

Erlazionatutako habitatak

ARAN herbarioko plegua