Pagoa

Fagus sylvatica L.

Hostoak

Lore emea (zutik) eta arrak (zintzilik)

Fruitua, pagatxa

Deskribapena

Pagoa hostoerorkorra da. Haren hostoak (5-10 cm) sinpleak eta obatuak dira, eta mutur puntaduna dute. Hostoen ertzak osoak dira, eta, askotan, uhinduak. Hosto gazteek ile argiak dituzte ertzean.

Landare monoikoa da. Lore arrak (1 cm-ko Ø) txorten luzeetan zintzilikatutako borlak dira, eta zuri-horixkak izaten dira. Lore emeek (2-3 cm), berriz, txorten motza izaten dute, eta harizpiak ikusten zaizkie.

Pagoaren fruitua (1-3 cm) pagatxa da, eta bi urtetik behin fruituak oparo izaten dira.

Azal grisa eta oso leuna du.