Sahats iluna

Salix atrocinerea Brot.

Lore emeak

Lore arrak

Hostoak

Fruituak

Deskribapena

Sahats iluna hostoerorkorra da. Hosto (1-10 x 1-2 cm) sinpleak ditu, lantzeolatuak eta punta zorrozdunak. Haren ertza aldakorra da, bildua, eta osoa edo horzduna izan daiteke. Ileak eduki ditzake azpialdean.

Landare dioikoa da. Lore arrak eta emeak gerbatan (7 x 1-2 cm) antolatuta daude. Arrak obatuak eta horiak dira; emeak, berriz, luzangak eta berdeak. Fruitua kapsula bat da.

Azala arraildua izaten du, eta gris-marroia.