Sasiakazia

Deskribapena

Sasiakazia hostoerorkorra da. Hosto konposatuak (3,5-32 cm) ditu, eta hostoxkak (15-60 x 4,5-30 mm) obatuak dira. Hostoxkak binaka kokatzen dira (3-11 pare) hostoan zehar, azkenekoa izan ezik, puntan bakarrik egoten baita. Hostoek ez dute ilerik izaten, eta haien ertzak osoak dira.

Landare hermafrodita da, eta tximeleta-itxurako loreak (estandartea: 16-20 x 14-18 mm) ditu, sorta handitan, zintzilik. Loreak zuri-zuriak izaten dira, eta fruitua (3-12 x 1-1,5 cm) leka luze eta marroi bat da.

Azal arraildua du, eta kolore arre-gorrizta. Adar arantzadunak ditu.

Jatorria

Ipar Amerikako ekialdea

Loraldia

Apirila-ekaina

Tamaina

10-25 m

Kudeaketa

Sasiakaziaren landaketak 30 edo 40 urteren buruan botatzen dira. Haren egurretik hesolak atera ohi dira, baina baita lanabesak egiteko edo tornuan lantzeko egurra ere.

Oharrak

Landare exotiko inbaditzaile eta habitat-eraldatzailea da. Hariztien habitatak eraldatzen ditu.