Txilar kantauriarra

Daboecia cantabrica (Huds.) K. Koch

Deskribapena

Txilar kantauriarra hostoiraunkorra da. Haren hostoak (10-14 x 2-5 mm) sinpleak, larrukarak dira eta obatuak edo lantzeolatuak izan daitezke. Hostoen ertzak osoak dira, eta azpialdean bilduta egoten dira. Azpialdean soilik dauzka ileak.

Landare hermafrodita da. Loreak tutu-itxurakoak (11-15 x 5-8 mm) dira, eta landarearen puntetan agertzen dira, pilatuta. Kolore purpura izaten dute. Lau kuskuko fruitua (3-7 mm) garatzen du.

Azal zartatu marroia du.