Txorbeltza, zinurria

Deskribapena

Txorbeltza edo zinurria hostoiraunkorra da. Haren hostoak (10-60 x 10-35 mm) sinpleak, larrukarak eta obatuak dira. Ertz horzdunak ditu, eta erabat ilegabea da.

Landare dioikoa da. Haren loreak (3,5-6,5 mm) oso txikiak eta hori-berdeak dira. 5 petalo dituzte, eta arrak zein emeak oso antzekoak dira. Fruitu hezurduna (4-6 x 4-6 mm) du; hasieran, gorria da, eta, heltzean, beltz bilakatzen da.

Azal leuna du; hala ere, urteekin zartatuz joaten da. Grisa da.

Ekologia

Gipuzkoako leku beroenetan agertzen da. Edozein lurretan ager daiteke, eta baso bazterretan, heskaietan eta sastrakadietan agertu ohi da.

Banaketa

Mediterraneoa

Loraldia

Maiatza-uztaila

Tamaina

0,3-5 m

Altitudea

0-1.300 m

Erlazionatutako habitatak