Xarma, pago-lizarra

Babes-maila EAE-n

Galtzeko arriskuan

Deskribapena

Xarma edo pago-lizarra hostoerorkorra da. Hosto (4-10 x 2,5-5 cm) sinpleak, zerradunak eta obatuak ditu, eta puntadunak dira. Hostoen azpialdean, nerbioen inguruan, ileak ditu.

Landare monoikoa da. Lore arrak (3-5 mm) gerba zintzilikari berdeak dira. Emeak ere zintzilika agertzen dira, eta txorten bakoitzetik hainbat lore sortzen dira, punta gorridunak. Haren fruituak (4-5 x 7-9 mm) sortaka agertzen dira, hegal handiekin.

Azal leuna du gaztetan, eta, heltzean, ildaskatuz joaten da. Azal grisa du.

Ekologia

Klima epel eta hezeetan hazten da, eta lurzoru basikoak ditu gustuko.

Banaketa

Eurosiberiarra

Loraldia

Apirila-maiatza

Tamaina

10-25 m

Altitudea

20-400 m